HUYU HAPA MENEJA MPYA HOTELI YA PARK HYATT ZANZIBAR

Kutoka kushoto ni Meneja wa Hoteli ya Park Hyatt Zanzibar Bw. Nicolas Cedro akiwa na Meneja wa Masoko na Mawasiliano Bi.Milvas Burnice.

WINGU LA HABARI

NA NOEL RUKANUGA, DAR ES SALAAM.

Hoteli ya Park Hyatt Zanzibar imemtambulisha Nicolas Cedro kama meneja mpya atakayeendesha hoteli hiyo yenye hadhi ya nyota tano iliyopo katika eneo maarufu la kisiwani humo linalojulikana kama Stone Town.

Cedro ambaye analeta uzoefu mkubwa kutoka katika sekta ya hoteli amefanya kazi katika hoteli zenye chapa maarufu duniani kama Hyatt, Melia pamoja na La Manga and Marriott.

Hata hivyo ni mwanachama wa shirikisho la kimataifa la wahusika wa masuala ya vyakula kinachojulikana kwa kifaransa kama “La Confrerie de la Chaine des Rotisseurs.” 

Cedro ambaye ana Shahada mbili za masuala ya vyakula na uendeshaji hoteli kutoka chuo kikuu cha hoteli kilichopo Nice nchini Ufaransa pia ana Shahada ya uzamili ya uendeshaji wa hoteli kutoka katika chuo kikuu cha E Cornel.

Cedro alianza kazi kama mpishi akiwa nchini Hispania na toka wakati huo ameshafanya kazi katika nchi mbalimbali duniani zikiwemo Hispania, Ufaransa, Qatar, Yordani na Tanzania bara katika hoteli ya Hyatt Regency kama Mkurugenzi wa Chakula na Vinywaji.

Meneja huyo anasifika kwa uadilifu wake katika uongozi na kuhamasiha ubora katika kazi na pia anazungumza lugha za kifaransa, kiingereza na kihispania.

Katika kipindi cha miaka 25 ambacho amekuwa akifanya kazi amewahi kupata tuzo mbalimbali za ubora za kimataifa na pia amewahi kupika kwa ajili ya watu maarufu wakiwemo Rais wa zamani wa Ufaranza Jacques Chirac na Mfalme wa Malaysia.

Uzoefu wa Cedro, elimu, ujuzi wa lugha pamoja na ubunifu ni vitu muhimu ambavyo meneja huyo atatumia katika kujenga sifa na ubora wa hoteli hiyo na pia kwa wafanyakazi wake.

Akiwa kama Meneja wa hoteli ya Park Hyatt Zanzibar na Cedro na timu yake kwa pamoja wana lengo kuu la kuipandisha hoteli hiyo kuwa katika viwango vya juu zaidi na hivyo kuchangia katika juhudi za taifa za kuhamasisha utalii nchini ikiwemo kisiwani humo.

“Napenda kufanya kazi katika bara la Afrika na hasa katika kisiwa cha Zanzibar. Ni mahali ambapo kuna mazingira mazuri na watu wenye upendo. Nimeshafanya kazi Tanzania kwa zaidi ya miaka mitatu sasa katika hoteli ya Hyatt Regency – Kilimanjaro, Melia Zanzibar na sasa hapa Park Hyatt Zanzibar. Nimesikia furaha kubwa sana kupata nafasi hii ya kuendesha hoteli hii na nategemea kutumia ujuzi na uzoefu wangu ili kuleta ladha ya kipekee katika chakula na pia huduma tutakazowapatia wateja wetu,” alisema Cedro.

Cedro ambaye alianza kazi ya upishi akiwa kijana wa miaka 17 anatambua umuhimu wa kuibua na kulea vipaji vya vijana na hivyo anategemea kushiriki katika shughuli za kijamii akiwa Zanzibar kwa kushirikiana na shule mbalimbali za kisiwani hapo za mapishi ili kusaidia vijana wenye vipaji vya upishi waweze kupata ujuzi wa kimataifa alio nao na hivyo waweze kujiendeleza katika fani hiyo na kuitumia kama njia ya kujiinua kiuchumi.

Hoteli ya Park Hyatt Zanzibar ni Hoteli ya kipekee na yenye historia ndefu hasa kwa kuwa katika eneo maalum lililotengwa kama urithi na shirika la kimataifa la UNESCO.

Hoteli hiyo inatumia jengo ambalo lililojengwa katika miaka ya 1847 hadi 1850 na aliyekuwa rafiki wa mtawala wa wakati huo Sheikh Seyyid Said.

Jengo hilo linalojulikana kama ‘Mambo Msiige’ ni mfano mzuri wa majengo ya kitamaduni ya Zanzibar likiwa na mandhari ya kiarabu na linasadikika kuwa ni imara kutokana na udongo wake uliotumika kujenga uliokuwa umechanganywa na maelfu ya mayai.

Hoteli hiyo iliyosheherekea miaka mitatu toka kuanzishwa kwake tarehe 8 Machi mwaka huu, imejijengea umaarufu mkubwa kwa kipindi kifupi kimataifa na nchini na inashiriki ipasavyo katika kutangaza kisiwa cha Zanzibar kama moja ya maeneo ya kipekee kwa utalii.

Kuhsu Hoteli ya Park Hyatt Zanzibar.

Park Hyatt Zanzibar inapatikana katika fukwe iliyoko katika mji kongwe wa Stone Town na kituo cha urithi wa kimataifa yaani “UNESCO Heritage site”.

Hoteli hiyo iko katika jengo maarufu lijulikanalo kama ‘Mambo Msiige’ lililo na historia ndefu yenye izizi yake toka karne ya 17. 

Eneo la makazi la Zamani liko pembeni mwa jengo la Mambo Msiige na linatoa huduma ya kipekee ya maakuli yenye eneo la kupumzika, maktaba na mkahawa wenye baraza inayotazama fukwe ikiwa ni mandhari ya kipekee na kutoa huduma za chakula kutoka kwa malighafi za kisiwani hapo.

Hoteli inatoa huduma ya vyumba 67 vya kifahari vya kulala wageni vilivyomo katika majengo hayo mawili, vyakula vyenye ladha ya kiasilia na pia bwawa la kuogelea la kipekee kabisa linalounganika na bahari na pia sehemu ya kufanyia mazoezi.

 Hoteli ya Park Hyatt Zanzibar inakaribisha wageni mbali mbali wakiwemo watalii, wafanya biashara na wasafiri wengine wanaopendelea huduma za kipekee na kimataifa.

 Hoteli za Park Hyatt.

Chapa ya Park Hyatt inasifika kwa kutoa huduma kwa wafanya biashara na wageni wanaotaka starehe kwa kuwapatia huduma wateja wake kwenye mandhari mazuri wakiwemo sehemu za malazi na pia huduma binafsi za kipekee katika mazingira faragha.

Zikipatikana katika maeneo mbalimbali maarufu duniani kila hoteli ya Park Hyatt imeundwa katika mtindo wa kisasa wenye mandhari ya eneo ilipo.

Hoteli za Park Hyatt zina vyumba vya kulala wageni, vyumba vya mikutano na maeneo ya matukio maalumu kwa vikundi mbalimbali na imepata sifa nyingi za kimataifa kwa kazi za kisanii, chakula na vinywaji na pia kwa kuwa na wapishi wenye sifa na kutunikiwa tuzo mbalimbali.