KAMPUNI YA JUTA PLC YALETA NEEMA KATIKA MAONYESHO YA PILI YA VIWANDA.

 Mkurugenzi  Mtendaji Kampuni ya JUTA PLC Peter Isare

 Baadhi ya bidhaa viroba vya uga na mchele kutoka kampuni JUTA zikiwa katika monyesho ya Pili ya Viwanda yanayofanyika jijini  Dar es Salaam katika viwanja vya Mwalimu Nyerere Sabasaba  

WINGU LA HABARI

Na Noel Rukanuga

Wafanyabiashara pamoja na wakulima wametakiwa kuchangamkia fursa kwa kujiunga na kampuni ya JATU PLC ambayo inawapa fursa watanzania katika kujenga afya na kutokomeza umaskini kupitia kazi ya kilimo na masoko.

Kampuni hiyo ya JATU inawapa fursa watanzania katika masuala ya kiuchumi kwa wanachama wake katika kununua shamba kwa ajili ya kilimo, kutoa mkopo pamoja kuwa karibu na masoko.  

Akizungumza na waandishi wa habari leo jijini Dar es Salaam katika maonyesho ya pili ya Viwanda, Mkurugenzi Mtendaji Kampuni ya JATU PLC Peter Isare, amesema kuwa ndani ya kampuni hiyo wanafanya mambo makubwa matatu ambayo ni rafiki kwa watanzania.

Amesema kuwa mambo hayo ni pamoja na shughuli ya Kilimo, viwanda pamoja na masoko za bidhaa mbalimbali ambazo wanazalisha.

Isare amefafanua kuwa lengo leo ni kuzalisha bidhaa kuanzia hatua ya kwanza hadi ya mwisho ambapo bidhaa inamfikia maraji.

“Kufanya hivyo inamsaidia mkulima kuondokana na mfumo wa madalali baada ya mazoa yake kuwa tayari kwa   biashara” amesema Isare.

Ameeleza kuwa mfumo wa madalali umekuwa mkubwa sana hivyo wameamua kuwaandaa mkulima kuanzia mashambani na kuwasaidia kupata masoko kwa bei rafiki.

Isare amesema kuwa kwa sasa wamefanikiwa kuwa na vituo vya bidhaa katika mkoa wa Morogoro, Dodoma, Pwani, Dar es Salaam pamoja na Zanzibar.

Hata hivyo amewataka watanzania wote kujiunga na kampuni ya JATU ili kunufaika na faida mbalimbali ikiwemo kuuza bidhaa (wakala), kupata mkopo, bima ya afya.  

Kampuni JATU imekuwa na utaratibu rafiki kwa wakulima katika kuhakikisha wanapiga hatua na kuwapatia mikopo ili kuendeleza shughuli za kilimo hapa nchini.

Katika kuhakikisha Tanzania inakuwa na viwanda wameweka utaratibu wa kwa kila mtanzania kujiunga na JUTA PLC kwa kujaza fomu kwa gharama ya Sh 10,000 na kupata fursa mbalimbali za kiuchumi.

JUTA kwa sasa inaendelea kulima na kuzalisha bidhaa mbalimbali pamoja na kuuza kupitia wakulima,mawakala ambapo kila mmoja ananufaika na faida ya kampuni.