WHC YATOA MSAADA WA VITABU NA VIFAA VYA MICHEZO.

 Mwanafunzi wa shule ya Sekondari ya Likokona Mkoani Mtwara akipokea kitabu kutoka kwa  Afisa wa Elimu Sekondari Wilaya ya Nanyumbu Bw. Luoga Musijack

Mwanafunzi wa shule ya Sekondari ya Likokona akirusha mpira juu baada ya shule yake kupokea msaada wa vifaa vya michezo pamoja vitabu vya masomo mbalimbali ya sekondari kutoka Kampuni ya Watumish Housing (WHC).

Baadhi ya vitabu vilivyotolewa na WHC katika Shule ya Sekondari Likokona.  

 Kutoka  kushoto ni Afisa wa Elimu Sekondari Wilaya ya Nanyumbu Luoga Musijack pamoja na Mwalimu Mkuu wa Shule Kikokona Eugen Ludovick wakishika mpira baada ya kupokea msaada wa vifaa vya michezo kutoka WHC.

 Kutoka kushoto ni MKurugenzi  Mtendaji wa WHC, Dk. Fred Msemwa akimkabidhi vitabu vya masomo mbalimbali ya sekondari Afisa wa Elimu Sekondari Wilaya ya Nanyumbu Luoga Musijack.

WINGU LA HABARI

NA MWAANDISHI WETU, MTWARA.

Kampuni ya Watumishi Housing (WHC) imetoa msaada wa vifaa vya michezo pamoja na vitabu mbalimbali vya kujifunzia katika shule ya Sekondari Likokona iliyopo Wilaya ya Nanyumbu Msasi Mkoani Mtwara.

WHC ni wajenzi ambapo wametoa msaada huo kwa ajili ya kusaidia sekta ya elimu katika kuhakikisha shule zenye mazigira magumu kufikika wanapata huduma mbalimbali pamoja na kupeleka miradi ya nyumba za walimu kwa kushirikiana Mamlaka ya Elimu Tanzania (TEA).

Akizungumza baada ya kupokea msaada wa vifaa vya michezo ikiwemo mipira ya miguu pamoja vitabu vya masomo mbalimbali ya sekondari kutoka kwa Mkurugenzi Mtendaji wa WHC Dk. Fred Msemwa, Afisa wa Elimu Sekondari Wilaya ya Nanyumbu Luoga Musijack, amesema kuwa ameishukuru WHC kwa msaada huo ambapo anaamini itakuwa chachu ya kufanya vizuri kwa wanafunzi wa shule hiyo.

Kwa upande wake Mwalimu Mkuu wa Shule Kikokona Eugen Ludovick, amesema kuwa vifaa vya michezo na vitabu vitawasaidia wanafunzi kujifunza kupitia masomo yao.

“Ni hatua nzuri ambayo WHC wameonyesha kwa kutoa msaada wa vitabu na vifaa vya michezo ambapo tumepokea kwa mikono miwili na uogonzi wa shule pamoja na wanafunzi kwa ujumla” amesema Ludovick.

Shule ya Sekondari Likokona ni moja wopo kati ya shule za kata zilizonufaika na mradi wa ujenzi wa nyumba za walimu katika maeneo magumu kufikika hapa nchini, ambapo mradi huo unatekelezwa na WHC kama wajenzi kwa kushirikiana TEA ambao wafadhili wa mradi huo.

Ujenzi wa nyumba hizo za walimu zimekamilika na nyumba zimeshakabidhiwa kwa walimu na kuanza kuishi ili wafanye kazi katika mazingira rafiki.

WHC ni wajenzi ambapo wamekuwa wakitekeleza miradi mbalimbali ya ujenzi kwa gharama nafuu tofauti na kampuni nyingine zinazofanya kazi ya aina hiyo.

Hata hivyo wamepewa jukumu na serikali kujenga nyumba za watumishi wa umma na kuwakopesha kwa mikopo nafuu na ya muda mrefu kwa watumishi wote wanaishi ndani na nje ya nchi na sasa wapo katika awamu ya kwanza ya kutekeleza maagizo hayo.

WHC inafanya kazi  kwa ushirikiano mkubwa na Mashirika yote ya Pensheni ikiwemo Mfuko wa Akiba kwa Watumishi wa Serikali(GEPF), Mfuko wa Taifa wa Hifadhi za Jamii(NSSF), Mfuko wa Pensheni kwa Watumishi wa Umma (PSPF), Mfuko wa Pensheni kwa Mashirika ya Umma(PPF), pamoja na Shirika la Nyumba la Taifa (NHC).