MWANAMITINDO ASTAAFU KUANDAA LADY IN RED

 Mama wa Mitindo na Mwanzilishi wa Lady In Red nchini Asya Idarous  wa tatu kutoka kulia akizungumza na waandishi wa habari,  wa kwanza kutoka kushoto ni Afisa wa Mipango wa Lady in Red Omary Rashid.

Emmanuel Joseph Kisosi wa kwanza kutoka (kulia ) ni Fashion Designer akizungumzia maandalizi yake kuelekea onyesho la 1 5 farewell lady in Red litakalofanyika februari 9 mwaka huu jijini Dar es Salaam.

.................

WINGU LA HABARI

NA NOEL RUKANUGA, DAR ES SALAAM

Mwanamitindo mkogwe nchini Tanzania Asya Idarous ametangaza kustaafu kuandaa jukwaa la ‘Lady in Red’ kutokana na kufanya kazi hiyo kwa muda mrefu pamoja na kuwapa fursa vijana wa kitanzania kulianda jukwaa hilo.

Asya Idarous Khamsini ni jukwaa la kwanza Tanzania lililoanza kupandisha wabubifu chipukizi, lakini ameeleza kuwa bado ataendelea kuonyesha mitindo yake katika majukwaa ya kualikwa katika mitindo yake ya stara.

Akizungumza na waandishi wa habari leo jijini Dar es Salaam Asya Idarous, amesema kuwa kuanzia sasa hataweza kuandaa jukwaa la ‘lady in led’ na badala yake kazi hiyo amewapa vijana ili waweze kuandaa.

Amesema kwa muda mrefu amefanya kazi ya kuandaa jukwaa la ‘lady in red’ na kufanikiwa kuinua vipaji vya wabunifu chipukizi ambapo awali ilikuwa vigumu kupata nafasi kwa ajili ya kuonyesha vipaji vyao.

“Nimekuwa kukiandaa jukwaa la ‘lady in red’ kwa muda wa miaka 15 mpaka sasa nilikuwa nawachukua vijana wabunifu kutoka mtaani ili waweze kuonekana na kufanikiwa”amesema Idarous.

Ameeleza kuwa kazi ya mitindo ataendelea kuifanya kutokana ni kazi ambayo anaipenda pia inaniingizia kipato.

Idaraus amewashukuru wadau mbalimbali ikiwemo Balaza la Sanaa Taifa (BASATA) kwa kumpa ushirikiano katika kipindi chote cha kufanikisha maandalizi ya jukwaa la Lady in Red.

Kwa upande wake Afisa Mipango wa Lady in Red 2018 Omary Rashid amesema kuwa licha mama wa mitindo kustaafu wanamni wataendelea kuandaa jukwaa hilo na kupata mafanikio makubwa.

Amesema kuwa wataendelea kuwa naye ili kuhakikisha wanapata ushauri rafiki katika kufikia masula mbalimbali ya kimaendeleo ambao wamekusudia kuyafanya.

“Wadau mbalimbali wanatakiwa kuendelea kutupa ushirikiano katika nyanja mbalimbali ili kuhakikisha tunapiga hatua kubwa katika sekta ya ubunifu” amesema Rashid.

Akizungumzia maandalizi ya uonyesho la 15 ‘Farewell Lady in Red’ linatorajiwa kufanyika februari 9 mwaka huu katika ukumbi wa King Solomo uliopo namanga jijini Dar es Salaam.

Rashid amesema kuwa washiriki wa onyesho hilo wamejiandaa vizuri, huku akiwataka wadau wa sanaa kutoka sehemu mbalimbali kufika katika ukumbi huo kwa ajili ya kuona kazi za wabunifu.

Rashid amefafanua uonyesho hilo litaanza saa mbili usiku pamoja kufanya mnada wa kuchangia free at last sober house Morogoro kwa ajili ya kuisaidia jamii. 

Farewell Lady in Red 2018 ni onyesho la 15 na onyesho la 216 kwa Tanzania kwa Mama wa Mitindo Asya Idarous Khamini ambapo ni jukwaa la kwanza hapa nchini kupandisha wabunifu chipukizi na wazoefu.