WASHINDI SITA WANYAKUA GARI KAMPENI YA MALENGO BENKI YA NBC

WINGU LA HABARI

NA MWANDISHI WETU, DAR ES SALAAM

Mkurugenzi  wa Kitengo cha wateja binafsi  Benki ya NBC Filbert Mponzi wa pili kutoka kulia akizungumza na waandishi wa habari jijini Dar es Salaam.

Benki ya Taifa ya Biashara (NBC) leo imefanya droo ya mwisho ya kampeni ya malengo ambapo washindi sita kutoka mikoa mbalimbali wamebahatika kuibuka kujipatia zawadi ya Gari aina ya Suzuki (KIRIKUU).

Akizungumza na waandishi wa habari leo jijini Dar es salaam Mkurugenzi wa Kitengo cha wateja binafsi Benki ya NBC Filbert Mponzi, amesema kuwa wamefanya droo ya mwisho ya malengo ambayo imefanyika kwa kipindi cha miezi mitatu.

Amesema kuwa benki ya NBC kupitia kampeni hiyo ya malengo imewawezesha wateja wa NBC kupata mafanikio baada ya kuibuka washindi kwenye kampeni wanazozifanya.

Kwa upande wake Meneja wa Kampeni ya malengo kutoka  benk  hiyo Mtenya Cheya, amesema akaunti ya malengo inampa mteja faida ya riba nzuri kutokana na kutokuwa na makato ya mwezi  kwa ajili ya kupunguza gharama za uendeshaji.

Washindi ambao wamejinyakulia zawadi ya Gari aina ya Suzuki kutoka benki ya NBC ni pamoja na Fatuma Said Ramadhani, Said Rajabu Chiwini, Lucina Joseph Masawe, Fridian Benital pamoja na Patric Mtholomeo.