SUMATRA CCC WATOA KAULI KALI KWA TABAO.

Dkt. Oscar Kikoyo akizungumza na waandishi wa habari leo jijini Dar es Salaam 

Na Noel Rukanuga.

Baraza la Ushauri la Watumiaji wa Huduma za Usafiri wa Nchi Kavu na Majini (SUMATRA CCC) limewataka wamikiki wa mabasi yaendayo mikoani kufuata masharti ya leseni zao na kutoza nauli zilizoidhinishwa na mamlaka husika.

Akizungumza na waandishi wa habari leo, Katibu Mtendaji wa Baraza hilo Dkt. Oscar Kikoyo, amesema kuwa wamiliki wote wa mabasi wanapswa kufata sharia pamoja na kuwahimiza wafanyakazi wao wanaokata tiketi katika vituo mbalimbali nchini kuwa waaminifu kwa waajiri wao na wateja wao.  

Amesema kuwa sasa kuna wingi wa abiria hao, ambapo kila mwaka mahitaji ya usafiri kwa kipindi hiki yanazidi kuwa makubwa kuliko huduma ya usafiri uliopo na kusababisha baadhi ya watoa huduma ambao sio waaminifu huchukulia kipindi hicho kama njia ya kuvuna zaidi.

“Baadhi ya watoa huduma wanakwenda kinyume na masharti ya leseni zao kutokana na mahitaji makubwa ya usafiri na abiria hukubali wenyewe kulipa zaidi kusudi wapate kusafiri jambo ambalo sio rafiki” amesema Dkt. Kikoyo.

Amesema kuwa baraza linatoa wito kwa watu wote wanaotarajia kusafiri kipindi cha mwisho wa mwaka kufanya maandalizi ya safari zao mapema ikiwa ni pamoja na kufanya booking na/au kukata tiketi zao mapema ili kuepukana na matatizo ya kulanguliwa tiketi.

Ameeleza kuwa ni vema abiria wote kutonunua tiketi za safari zao kutoka kwa wapiga debe au vishoka katika eneo la kituo cha mabasi cha ubungo au vituo vingine nchini kote.

“Baadhi ya watoa huduma wanawakatalia abilia kutofanya booking mapema, kunasababisha abiria kurundikana vituoni siku za safari bila sababu yoyote na hivyo kutoa mwanya kwa wapiga debe na vishoka kuwalaghai abiria hao, tunaomba abiria watakaokataliwa kufanya bookings zao mapema mwaka huu kutoa taarifa kwetu au kwa Mamlaka ya SUMATRA kwa hatua zaidi” amesema Dkt. Kikoyo.

Hata hivyo baraza la SUMATRA limeendelea kutoa wito kwa abiria wote kuhakikisha wanasafiri kwa tiketi yenye jina lao na iliyoandikwa kiwango sahihi cha nauli uliyolipa.

Imeeleza kwa wamiliki wa mabasi yaendayo mikoani kupitia umoja wao (TABOA) na watumishi wao kuzingatia kanuni usafirishaji (Transport Licensing (Public Service Vehicles) 2017 (GN No. 421) hususani kanuni 25 (b) (iii) na Kanuni 38 (1) (b).

Dkt. Kikoyo imeitaka TABOA kuhakikisha madereva wao wanaendesha magari kwa mwendo unaokubalika. Kutokana kuna taarifa kuwa kipindi cha Krismas mabasi mengi huenda mwendo kasi kusudi wageuze siku hiyo hiyo kwa ajili ya kutengeneza fedha zaidi.

Amesema kuwa jambo hilo linaatarisha usalama wa abiria, hivyo usalama wa abiria unapaswa kupewa kipaombele kuliko fedha.

Wito wa Baraza kwa Mamlaka zinazohusika:

1. Magari yanayopewa vibali vya muda yafanyiwe ukaguzi  wa kina kabla ya kukata tiketi.

2.Watoa huduma wachache hasa wale wanaopewa vibali vya muda waache mara moja kufanya udanganyifu katika nauli.

3.Vibali vya muda mfupi ni kwa ajili ya kuhakikisha kwamba kuna usafiri wa kutosha kipindi hiki cha Krismass na mwisho wa mwaka.

4. Abiria wote wawe makini kwenye ukataji wa tiketi, hakikisha tiketi uliyopewa ina kumbukumbu zako sahihi na nauli sahihi uliyolipa.

5. Kituo cha ubungo kina vijana wanaobeba mizigo, kwanza kubalianeni bei kabla hajabeba mzigo wako, pili hakikisha kijana anayebeba mizigo yako amekupatia kadi yake yenye namba iliyoandikwa kwenye koti lake, nyuma na mbele na kwenye troli lake