KAMPUNI YA CHINA NATIONALI BUILDING MATERIAL GROUP YA MUUNGA MKONO MAKONDA.

Mganga mkuu wa mkoa wa Dar es salaam Grace Magembe aliye simama akizungumza na waandishi wa habari hawapo pichani.(picha zote na John Luhende)

Katika  kuunga Mkono juhudi zinazofanywa na Mkuu wa Mkoa wa Dar es salaamPaul Makonda  kusaidia Watu wenye uhitaji wa miguu bandia na zoezi la upimaji afya,Kampuni ya China Nationali building Material Group leo imekabidhi hundi ya Shilingi Milioni kumi.

Akizungumza na Waandishi wa habari mara baada ya kupokea msaada huo kwa niaba ya Mkuu wa Mkoa Mganga Mkuu wa Mkoa wa Dar es salaam Dakta Grace Magembe amesema Serikali ya Mkoa imekusudia kutatua changamoto za kiafya kwa wananchi pamoja na kusaida watu wenye ulemavu,ambapo amebainisha kuwa hapo awali Serikali ya Mkoa ilikusudia kusaidia watu wenye ulemavu miambili lakini idadi ya wenye uhitaji wa miguu ni zaidi ya watu elfu moja hivyo amewataka wadau kuendelea kujitokeza kusaidia.

Dakta Magembe ameongeza kuwa tokea kuingia madarakani Serikali ya awamu ya tano ilio chini ya Rais Dakta John Magufuli imekuwa ikishughulikia changamoto mbalimbali za wananchi hivyo amewataka wananchi kuendelea kuunga mkono juhudi hizo.

Kaimu Meneja Mkuu wa Kampuni ya China National building Material Group  Wang Shupeng , aliye upande wa kushoto akizungumza na waandishi wa habari hawapo pichani.

Kwa upande wake Kaimu Meneja Mkuu wa Kampuni ya China National building Material Group  Wang Shupeng amesema kampuni hiyo imeridhishwa na juhudi zinazofanywa na Mkuu wa Mkoa wa Dar es salaam na imetambua umuhimu wa kusaidia watu wenye mahitaji maalumu ikiwemo miguu bandia hivyo mbali na msaada huo wa shilingi milioni  kumi za kitanzania itaendelea kutoa misaada mbalimbali kwa Serikali.