RAIA WA PERU AKAMATWA NA DAWA ZA KULEVYA DAR

Bw Valllenstein S/O Alvarez Santillan akiwa katika.  

Na Noel Rukanuga

Jeshi la Polisi kupitia Kitengo cha Kuzui na Kupambana na Dawa za Kulevya linamshikilia Valllenstein S/O Alvarez Santillan raia wa Peru (35) kwa tuhuma za kukamatwa na dawa za kulevya aina ya cocaine zenye uzito wa kg 1.42 ambapo ni kinyume cha sheria.

Akizungumza na waandishi wa habari, Kaimu Mkuu wa kitengo cha kuzuia dawa za kulevya ACP Alhaji Kabaleke, amesema kuwa novemba 16 mwaka huu walimkamata Santillan katika uwanja cha ndege wa kimataifa wa mwalimu nyerere akiwa na dawa za kulevya paketi 31.

ACP Kabaleke amesema kuwa kukamatwa kwa mtu huyo kumetokana na kupata taarifa kuwa kuna raia wa peru ambaye anatoka nchini Brazil inasadikika anajihusisha na biashara ya dawa za kulevya.

“Baada ya kupokea taarifa niliunda kikosi kazi ambacho kiliweza kufika mara moja uwanja wa mwalimu Julius Nyerere na kufanikiwa kumkamata akiwa na dawa za kulevya” amesema ACP Kabaleke.  

ACP Kabaleke amefafanua kuwa mtuhumiwa huyu alitokea nchini Brazil ambapo alidhificha dawa za kulevya kitaalamu na kusababisha mashine za kukagua uwanja wa ndege kushindwa kubaini uwepo wa dawa za kulevya.

Ameeleza kuwa mtuhumiwa muda wowote atakifishwa mahakamani kwa ajili ya kujibu tuhuma zinazomkabili.

Kikosi cha kuzuia na kupambana na dawa za kulevya kinaendelea na vita kwa watuhumiwa, wanaojihusisha na uingizaji, usambazaji na watumiaji ambo wanatumia viwanja vya ndege, mipaka mbalimbali ya nchi.

Kwa mujibu wa takwimu za ukamataji wa kesi za dawa za kulevya katika kipindi cha miezi mitatu kuanzia mwezi novemba mwaka huu, imebainika kuwa dawa za kulevya aina ya heroin zilizokamatwa ni kg 1.17.

Huku cocaine zikiwa kg 1.487, bhangi kg 26, 501.87, Mirungi kg 814. 76 pamoja na mashamba ya bhangi yaliochimwa moto yakiwa hekari 182.25 katika mikoa yote.

Hata hivyo wananchi wametakiwa kuendelea kutoa taarifa ili kutokomeza mtandao wa dawa za kulevya hapa nchini.