UNDP YAWAFUNDA WATENDAJI WAKUU SEKTA BINAFSI.

 Mkuu wa Kitengo cha Ukuaji Shirikishi na Masuala ya Ustawi wa Jamii wa Mpango wa Maendeleo wa Umoja wa Mataifa (UNDP), Ernest Salla akizungmza na waandishi wa  habari leo jijini Dar es Salaam.

 Mratibu wa United National Global Compact Networt Tanzania (UNGCNT) Emmanuel Nnko akizungumza na waandishi wa habari leo jijini Dar es Salaam.

Mkurugenzi wa Huduma kwa Wanachama Tanzania (TPSF) akizungumza na waandishi wa habari jijini Dar es Salaam.

WINGU LA HABARI.

NA NOEL RUKANUGA, DAR ES SALAAM.

Mpango wa Maendeleo wa Umoja wa Mataifa (UNDP) imezitaka Taasisi na sekta binafsi kufanya kazi kwa ushirikiano ili kusaidia kufanikisha maendeleo endelevu katika nyanja mbalimbali ikiwemo uchumi.

Akizungumza na watendaji wakuu wa taasisi na sekta binafsi Mkuu wa Kitengo cha Ukuaji Shirikishi na Masuala ya Ustawi wa Jamii (UNDP), Ernest Salla amesema kuwa leo wameamua kukutana na watendaji hao ili kuwapa elimu ya kufanikisha maendeleo endelevu hapa nchini.

Amesema kuwa katika kufanikisha mpango huo, kila mmoja anatakiwa kushiriki kikamilifu ili kufanikisha maendeleo endelevu na kupiga hatua katika sekta zote ikiwemo uchumi.

“Kila mtu anatakiwa kutekeleza majukumu yake ipasavyo ili kuwe na uchumi, kipato, kuondoa umaskini, matabaka, na katika utekelezaji wa kufikia maendeleo endelevu kuna kazi kubwa ambayo inapaswa kufanyika kwa ushirikiano” amesema Salla.

Kwa upande wake Mratibu wa United National Global Compact Networt Tanzania (UNGCNT) Emmanuel Nnko, amesema kuwa lengo kubwa la kukutana na watendaji wa sekta binafsi ni kuwashirikisha katika kusaidia maendeleo endelevu ya taifa.

Amesema kuwa kukutana na watendaji hao wanapata fursa ya kuwaelimisha na kuwaelekeza vitu ambavyo wanapaswa kufanya ili kufanikisha maendeleo endelevu.

Nnko amefafanua kuwa kuna fursa nyingi ambazo zinapaswa kufanya na makapuni pamoja na taasisi binafsi, hivyo elimu hiyo itawasaidia katika kufanisha fursa hizo.

Ameeleza kuwa kitu cha muhimu kinachopaswa kufanywa na watendaji wa sekta binafsi ni kufata kanuni pamoja na kuchukua hatua juu yale watakayozungumzia katika kupeana elimu ambayo ni rafiki kwa maendeleo ya taifa.

“Ili tuweze kwenda na kufanikiwa katika maendeleo endelevu lazima wadau wote ikiwemo serikali, sekta binafsi, taasisi zisizo za kiserikali pamoja na wananchi kushirikiana pamoja ili kupata afya bora, usawa wa kijinsia pamoja na kutuza mazingira yetu” amesema Nnko.

Amebainisha kuwa lengo kubwa ambalo limebeba malengo yote ni katika kanuni ni lengo la 17 ambalo ni ushirikiano na imeonekana ni nguzo muhimu.

Mkurugenzi wa Huduma kwa Wanachama Tanzania (TPSF) Lanis Accan ambaye anatoka sekta binafsi, amesema kuwa ushirikiano ni jambo la muhimu kutokana ni nguzo ya kufika mafanikio.