RAIS WA VOWET WAZIRI, ATOA FURSA KWA WANAWAKE KATA YA KEKO.

WINGU LA HABARI

NA NOEL RUKANUGA, DAR ES SALAAM

Mkurugenzi wa IBRA Contractors na Rais wa Sauti ya Wanawake Wajasiriamali Tanzania (VOWET), Maida Waziri akipokelewa katika uzinduzi wa Jukwaa la Wanawake la Uwezeshaji Kata ya Keko uliofanyika leo jijini Dar es Salaam.

Baadhi ya wakinamama wa Kata ya Keko wakiwa katika Maandamano uzinduzi wa Jukwaa la Wanawake la Uwezeshaji katika Kata hiyo.

Mkurugenzi wa IBRA Contractors na Rais wa Sauti ya Wanawake Wajasiriamali Tanzania (VOWET), Maida Waziri akiangalia bidhaa za Wakinamama Wajasiriamali katika Kata ya Keko. 

Mkurugenzi wa IBRA Contractors na Rais wa Sauti ya Wanawake Wajasiriamali Tanzania (VOWET), Maida Waziri akiangalia batiki iliyotengenezwa na wakinamama katika Kata ya Keko.

Mtumishi wa benki ya NMB akiwa upande wa kushoto akitoa maelezo kwa Mkurugenzi wa IBRA Contractors na Rais wa Sauti ya Wanawake Wajasiriamali Tanzania (VOWET), Maida Waziri jinsi benki hiyo inavyotoa huduma zake

Mjumbe Mwamasishaji Jukwaa la Wanawake la Uwezeshaji katika kata Keko na Wilaya ya Temeke Caroline Sabu akiongea na waandishi wa habari leo jinini Dar es Salaam.

.........

Wanawake wa Kata ya Keko Wilaya ya Temeke wametakiwa kuwa na umoja wa kufanya kazi za ujasiriamali jambo ambalo linaweza kuwasaidia kuinua uchumi wa familia zao pamoja na kufanikisha Tanzania ya Viwanda.

Akizungumza katika uzinduzi wa Jukwaa la Wanawake la Uwezeshaji Kata ya Keko Wilaya ya Temeke, Mkurugenzi wa IBRA Contractors na Rais wa Sauti ya Wanawake Wajasiriamali Tanzania (VOWET), Maida Waziri amesema kuwa wakinamama wanapaswa kuendelea kuwa na mwamko wa kupiga hatua katika safari ya kuelekea Tanzania ya viwanda.

Waziri ambaye ni mgeni rasmi katika uzinduzi huo, amesema kuwa kwa jitihada zinazofanya na wakinamama kata ya keko inanyesha moja kwa moja zinaunga mkono juhudi za serikali katika kufanikisha tanzania ya viwanda.

“Nimepitia bidhaa walizotengeneza wakinamama wa kaka ya kek…kiukweli wanapambana sana kwenda katika tanzania ya viwanda” amesema Waziri.

Hata hivyo Waziri amefafanua kuwa ataendelea kuwapa ushirikiano wakinamama hao katika nyanja mbalimbali  ikiwemo kuwapa elimu ya ujasiriamali pamoja na kuwaunganisha na taasisi za fedha kwa ajili ya kupata mikopo kwa gharama nafuu.

Naye Mjumbe Mwamasishaji Jukwaa la Wanawake la Uwezeshaji katika kata Keko na Wilaya ya Temeke Caroline Sabu, amesema kuwa wanawake wanapaswa kuendelea kufanya biashara mbalimbali ili kupiga hatua katika uchumi.

Amesema kuwa kwa sasa katika kata ya keko mwitikio ni mzuri kutokana wakinamama kuwa na mwamko na kufanikiwa kujiunga katika vikindi mbalimbali vya ujasiriamali

Sabu ameeleza kuwa katika kata ya keko kuna jumla ya vikundi 54 vya wanawake ambavyo vinajishughulisha na masula ya ujasiriamali kwa kutengezena bidhaa mbalimbali, huku kila kikundi kikiwa na jumla ya wanawake 30 wenye umri kuanzia 18 na kuendelea.

“Vikundi hivi vinaunda Jukwaa la Wanawake la Uwezeshaji Kata ya Keko ambapo leo tumefanya uzinduzi rasmi, lakini idadi ya vikundi inaweza kuongezeka kutokana wanaweke bado wanaendelea kujiunda katika vikundi” amesema Sabu.