THAMANI YA MAUZO YA HISA DSE YAMESHUKA.

Mary Kinabo

WINGU LA HABARI.

Thamani ya mauzo ya katika soko hisa imepungua kutoka Shilingi Billioni 86 ya wiki iliyoishia 10 Novemba 2017 hadi Shilingi Bilioni 1 kwa wiki iliyoishia 17 Novemba 2017.

Akitoa taarifa ya mauzo ya hisa leo, Ofisa Mwandamizi wa Masoko ya hisa Dar es Salaam (DSE) Mary Kinabo, amesema kuwa punguzo hilo limetokana uzo la mora moja la ununuzi wa hisa za kampuni ya TBL kwa kampuni tanzu ya SABMiller

Amesema kuwa idadi ya hisa zilizouzwa na kununuliwa zimepungua kutoka hisa Mil 9 ya wiki iliyoishia 10 Novemba 2017 hadi hisa Mil 5.5 ya wiki iliyoishia 17 Novemba 2017.

Kinabo amebainisha kuwa kampuni zilizoongoza katika mauzo ya hisa ni pamoja na benki ya CRDB ..86%, TBL..5%, DSE..4%

Ukubwa Mtaji (Market Capitalization)

Ukubwa wa mtaji wa kampuni zote zilizoorodheshwa katika soko umepungua kwa Shilingi Bilioni 412 kutoka Shilingi Trilioni 20.8 wiki iliyopita hadi Shilingi Trilioni 20.3 wiki iliyoishia tarehe 17 Novemba 2017. Punguzo hilo limetokana na kushuka kwa bei za hisa za KA (8%), DSE (7%), KCB (6%), CRDB (6%), NMG (5%), na EABL (4%).

Ukubwa wa mtaji wa kampuni za ndani umeshuka kwa Shilingi Bilioni 28 kutoka Trilioni 10.08 hadi kafika Shilingi Trilioni 10.05 wiki hii. Hii ni kutokana na kushuka kwa bei ya hisa ya DSE (7%) na CRDB (6%).

Kampuni	17 November 2017            (Shilingi)	10 November 2017            (Shilingi)	Badiliko (%)
CRDB	150	160	-6.25%
DCB	385	385	0.00%
DSE PLC	1,140	1,220	-6.56%
MBP	600	600	0.00%
MCB	500	500	0.00%
MKCB	890	890	0.00%
MUCOBA	400	400	0.00%
NMB	2,750	2,750	0.00%
PAL	470	470	0.00%
SWALA	500	500	0.00%
SWIS	3,500	3,500	0.00%
TBL	13,300	13,300	0.00%
TCC	16,800	16,800	0.00%
TCCL	1,200	1,200	0.00%
TOL	780	780	0.00%
TPCC	1,520	1,520	0.00%
TTP	600	600	0.00%
VODA	850	850	0.00%
YETU	600	600	0.00%
Kampuni zilirodho dheshwa
ACA	5,280	5,240	0.76%
EABL	5,170	5,410	-4.44%
JHL	10,650	10,420	2.21%
KA	110	120	-8.33%
KCB	880	940	-6.38%
NMG	2,460	2,590	-5.02%
USL	80	80	0.00%
Mtaji Jumla Makampuni yote (Bilioni)	20,349	20,752	-1.94%
Mtaji Jumla Makampuni ya Ndani (Bilioni)	10,052	10,081	-0.29%
Kiashiria cha DSEI (pointi)	2,113	2,155	-1.95%
Kiashiria cha TSI (pointi)	3,834	3,845	-0.29%

Viashiria (Indices)

Kiashiria cha kampuni zote zilizoorodheshwa katika soko yaani DSEI kimepungua kwa pointi 42 kutoka pointi 2,154 hadi 2,113 pointi hii ikiwa ni kutokana na kushuka kwa bei za hisa za Kenya Commercial Bank (KCB), National Media Group (NMG), Kenya Airways (KA), CRDB Bank (CRDB) na Dar es Salaam Stock Exchange Plc (DSE).

Pia kishiria cha kampuni za ndani yaani TSI kimepungua kwa pointi 11 kutoka pointi 3,845 hadi pointi 3,845 kutokana na kushuka kwa bei za hisa za TBL.

Kiashiria cha sekta ya viwanda (IA) wiki hii imebaki kama awali kwenye wastani wa pointi 5,329

Kiashiria huduma za kibenki na kifedha (BI) kimeshuka kwa pointi 36 kutoka pointi 2,464 hadi pointi 2428.

Kiashiria cha Sekta ya huduma za kibiashara (CS) wiki hii imebaki kama awali kwenye wastani wa pointi 2,462

Hati Fungani (Bonds)

Mauzo ya hati fungani katika wiki iliyoishia tarehe 17 Novemba 2017 yalikuwa Shilingi Bilioni 3.14 kutoka Shilingi Bilioni 11.2 wiki iliyopita ya 10 Novemba 2017

Mauzo haya yalitokana na hatifungani tatu (3) za serikali zenye jumla ya thamani ya Shilingi Bilioni 3.6 kwa jumla ya gharama ya Shilingi Bilioni 3.14