RUSHWA YAPUNGUA ASILIMIA 85.

Na Noel Rukanuga.

Kiwango cha kutoa na kupokea rushwa kimepungua kwa asilimia 85 mpaka ukilinganisha na miaka ya nyuma ambapo mwaka mwaka 2014 viwango vya rushwa ilikuwa asilimia 78.

Akitoa ripoti ya utafiti leo Mkurugenzi Mtendaji wa Twaweza, Aidan Eyakuze, amesema kuwa wananchi wamebainisha kuwa uzoefu wa kuomba rushwa umepungua katika sekta zote kwa mwaka huu ulinganisha na mwaka 2014.

Ripoti hiyo ya utafiti imeeleza kuwa katika sekta ya jeshi la polisi rushwa imepungua kutoka asilimia 68 kwa mwaka 2014 na kufikia asilimia 39 kwa mwaka huu.

Sekta ya ardhi ni asilimia 32 hadi kufikia asilimia 18, Afya asilimia 19 hadi asilimia 11, Maji asilimia 20 hadi asilimia 6, Mamlaka ya Mapata (TRA) ni asilimia 25 hadi asilimia 5, NGOs ni asilimia 13 hadi kufikia asilimia 6 kwa mwaka huu.

Kwa mujibu wa utafiti huo sekta ya polisi pamoja na mahakama kwa mwaka huu ndio zinaongoza kwa kuomba rushwa kwa wananchi huku Jeshi la polisi likiongoza ikiwa na asilimia 39 ikifatiwa na mahakama kwa asilimia 36.